(રાગ-આશા ભર્યા અમે આવ્યા ને...)
પિયુજી વિદેશમાંથી આવ્યા ને
અમને રંગે રમાડયા રાસ રે,
પિયુ મારાં મનડાં નાચે રે.
નાચો ગોરાંદે આજ રંગમાં ને
આજ ખીલી યઠયું છે આકાશ રે,
ગોરી મારી મન મલકાવે રે.
ઉપર એક ચંદ્ર ચમકે ને
નીચે છે પિયુજીનો ઉજાશ રે, પિયુ....
નાચતી ગોરાંદે કેવી સોહે ને
એ તો ફેલાવતી અજવાશ રે, ગોરી....
આવો પિયુ તમે પાતળિયા ને
આજ ગજવીએ ઘેરો નાદ રે, પિયુ....
શુભ ઘડી આજ વધાવીએ ને
ગોરાંદે ગાઈએ એક સાદ રે, ગોરી....
પિયુજીના હાથમાં વાંસળી ને
હું તો ભૂલી જાવ સુણી ભાન રે, પિયુ....
ગોરાંદે ફુદરડી ફરતી ને
લાગતું દિલ પર નિશાન રે, ગોરી....
આકાશમાં સૂરજ ચમકે ને
અહીં ચમકે પિયુનું મુખ રે, પિયુ....
(શાંત સ્વરે-બંને સાથે)
સૂરજ વિના હર્ષ ભાગી ગયો ને
એનું મુખ ન જોયાનું દુઃખ રે,
પુત્રની યાદ તો તડપાવે રે...
* * *
ટિપ્પણીઓ નથી:
ટિપ્પણી પોસ્ટ કરો