(રાગ-માડી તારા આવવાનાં એંધાણ થયાં-ગરબો...)
વાદળ ઢોલ વગાડે, મોર છેડે શરણાઈ;
કોયલડી ગીતડાં ગાય રે,
પિયુજીનાં આવવાનાં નિશાન થાય.
ઝાડવે ઝાડવે વસંત ખીલી,
હૈયાની વાડી થઈ ગઈ લીલી;
પવન ખુશબૂ મૂકી જાય રે, પિયુજીનાં........
લીમડે લીંબોળી આવી, એતો થઈ ગઈ પીળી;
પંખીનો કલરવ થાય રે, પિયુજીનાં........
ગગનમંડપેથી ફૂલ ખરે,
જગતના માળી ટોપલા ભરે;
હૈયે આનંદ ઊભરાય રે, પિયુજીનાં........
મારી આંખ ફરકે છે, મારું દિલ ધડકે છે;
રોમેરોમ આ યભાં થાય રે, પિયુજીનાં........
ક્ષિતિજે રંગ હર્ષમાં દેખાય,
મેઘધનુષ્ય આનંદિત થાય;
પેલા પર્વતો પડઘાય રે, પિયુજીનાં........
પાણી મોજાં ખૂબ મારે, મોટાં ઘુઘવાટા કરે;
હર્ષનો નાદ સંભળાય રે, પિયુજીનાં........
પિયુજી આવે ને વિરહ ટળે,
મારા આત્માને ખૂબ શાંતિ મળે;
મારી વેદના ભાગી જાય રે, પિયુજીનાં........
મારું હૃદય બોલે છે, મારું દલડું ડોલે છે;
પિયુ વિના ન રહેવાય રે, પિયુજીનાં........
* * *
ટિપ્પણીઓ નથી:
ટિપ્પણી પોસ્ટ કરો