(રાગ-દીકરી ને ગાય, દોરે ત્યાં જાય...પારકીથાપણ)
બેટા રે! તારી વિદાયની યાદ કદી નૈ ભુલાય,
નારી સંસારમાં મહાન કે'વાય;
પાણી વિનાની માછલી તડપીને મરી જાય,
નારી સંસારમાં મહાન કે'વાય!
તારા પતિની વહાલી થઈ રે'જે સદાયે સુખી,
ખોટા અહંમાં રાચીને તું થાજે ન કદીયે દુઃખી;
બેટા રે! જીવનમાં મળે તને પ્રભુની સહાય,
નારી સંસારમાં મહાન કે'વાય;
જે ઘરમાંથી નારી જાય એમાં અંધારું છવાય, નારી...
નારી નારાયણી થૈ સંસારમાં આગળ વધજે,
કષ્ટોથી તું ડરજે નહિ, હૈયે હિમ્મત રાખજે;
બેટા રે! એ સંસાર મહાન જેમાં નારી પૂજાય,
નારી સંસારમાં મહાન કે'વાય;
નારી થકી જ સંસારમાં આગળ પ્રગતિ થાય, નારી...
જીવનમાં આવતાં કષ્ટો બુદ્ધિથી દૂર કરજે,
તારી શ્રેષ્ઠ ફરજ બજાવી સૌનાં મન હરજે;
બેટા રે! તારી સમજણ કેવી રીતે વખાણાય?
નારી સંસારમાં મહાન કે'વાય;
નારીની શકિતને આખાય જગતમાં વધાવાય, નારી...
તુજ જવાથી આ ઘરમાં અંધારું છવાય જશે,
તારી યાદ આવતા સૌનાં મન ચોધારે રડશે;
બેટા રે! ઓ..... બે.. ટા..... રે!
બની જાય છે આજે અસભ્ તારી વિદાય,
નારી સંસારમાં મહાન કે'વાય!
* * *
ટિપ્પણીઓ નથી:
ટિપ્પણી પોસ્ટ કરો