(રાગ-ઊંચે રે ચડું ને નીચે ઊતરું...)
રાત્રે ઊંઘું ને સવારે ઊઠું,
પિયુ મને આવે સપનાં તમારાં અનેક,
હો, પિયુજી રે! હો, વિદેશની
માયાનો છૂટશે કયારે રંગ!
સપનામાં પિયુ તમે સાથે,
પિયુજી હું તો ઊંઠું ત્યારે રહું અટૂલી એક,
હો, પિયુજી રે! હો, વિદેશની........
સ્વપ્નમાં દેખું કદી'ક હસતા,
પિયુજી કદી' દેખું નિરાશાનો અતિરેક,
હો, પિયુજી રે! હો, વિદેશની........
સ્વપ્નમાં કદી'ક ઘેર આવતાં,
પિયુજી કદી'ક જતાં રહેતા દૂર છેક,
હો, પિયુજી રે! હો, વિદેશની........
સ્વપ્ન તો કાચ કેરો ટુકડો,
પિયુ એતો ફૂટીને થાય કરચો અનેક,
હો, પિયુજી રે! હો, વિદેશની........
વિયોગની વેદના ભગાડો,
પિયુજી હવેતો છોડોને વિદેશની ટેક,
હો, પિયુજી રે! હો, વિદેશની........
સૂરજ કરે તમારી ઝંખના,
પિયુજી તમે બનોને હવે તો થોડા નેક,
હો, પિયુજી રે! હો, વિદેશની........
કુટુંબનો ભાર કેમ સહું,
પિયુજી અબળાથી ભૂલી જવાય વિવેક,
હો, પિયુજી રે! હો, વિદેશની........
* * *
ટિપ્પણીઓ નથી:
ટિપ્પણી પોસ્ટ કરો