(રાગ-હરિ તું ગાડું મારું કયાં લઈ જાશ...)
પ્રભુ તું નાવ મારી ન રે ડુબાડ, પાર ઉતાર
પાર ઉતાર રે પાર ઉતાર રે પાર ઉતાર.
શાંત સમીરના સહારે આગળ વધતી જાય,
ઝંઝાવતી વમળમાં એ હાલકડોલક થાય; પ્રભુ તું... પાર ઉતાર...
મારી નાવની પતવાર થૈ તું આગળ ધપાવ,
ભવસાગરના વમળમાં હેમખેમ રહી જાવ; પ્રભુ તું... પાર ઉતાર...
તારી કૃપાજો હશે તો એને આવશે નહિ આંચ,
કૃપાવિહોણી તારી એ પકડી લેશે ઊંડી ખાંચ; પ્રભુ તું... પાર ઉતાર...
તારી અમીદૃષ્ટિ ખુશ હોય તો લાગે નહિ બીક,
તારા વિનાની ડૂબે, ભલે હોય કિનારો નજીક; પ્રભુ તું... પાર ઉતાર...
તારા શરણમાં આવ્યો છું, મને તારો છે વિશ્વાસ,
અંધકાર અહીં ફેલાયો, તું આવી કર પ્રકાશ; પ્રભુ તું... પાર ઉતાર...
સંકટમાં અટવાયલો હું આવ્યો છું તારા દ્વાર,
નાવ મારી આગળ વધારી કરી દે બેડોપાર; પ્રભુ તું... પાર ઉતાર...
આરઝૂ તને કરું છું તું દેજે સદા મને સાથ,
તારા સહારે ભીડશું અમે તોફાન સાથે બાથ; પ્રભુ તું... પાર ઉતાર...
દુખિયારાનો પોકાર સાંભળી તું કરજે વ્હાર,
નહિતર કે'વાશે તું વિશ્વાસઘાત કરનાર; પ્રભુ તું... પાર ઉતાર...
* * *
ટિપ્પણીઓ નથી:
ટિપ્પણી પોસ્ટ કરો