(રાગ-ઓઢણી ઓઢું ઓઢું ને યડી જાય...)
ચૂંદડી ધીમા પવનમાં લહેરાય,
ગોરીનું મુખડું મલકાય,
એતો લરી લરી જાય;
મારું મનડું અરે, ઊંચું-નીચું થાય,
ચૂંદડી ધીમા પવનમાં લહેરાય. (ર)
ગોરી આગળ-પાછળ જાય,
એથી વધુ એ સોહાય;
મારું મનડું હાલકડોલક થાય, ચૂંદડી...
ગોરી જેમ જેમ આઘી જાય,
મારો જીવડો મૂંઝાય;
મારું હૈયડું આજે ઉતાવળું થાય, ચૂંદડી...
ગોરીનું રૂપ એવું દેખાય,
ચંદ્ર જાય છે શરમાય;
ચૂંદડીના રંગોથી તારા શરમાય, ચૂંદડી...
ચૂંદડી આંખને આંજી જાય,
દિલ દુખિયારું થાય;
ગોરી તેમ તેમ તો આઘી જાતી જાય, ચૂંદડી...
ગોરાંદે અલૌકિક દેખાય,
એને જોતા જાદુ થાય;
મારું મનડું આજે જાય છે ખોવાય, ચૂંદડી...
ગોરાંદે નજીક આવી જાય,
દુઃખ સર્વે દૂર થાય;
મન ચૂંદડીમાં અલોપ થઈ જાય, ચૂંદડી...
ચૂંદડીનોચમત્કાર થાય,
બેડોપાર થઈ જાય;
સાજન મિલનની તરસ છીપાય, ચૂંદડી...
* * *
ટિપ્પણીઓ નથી:
ટિપ્પણી પોસ્ટ કરો