(રાગ-સત્સંગમાંથી રજા લઈને સૌને...)
એક સાસરેથી પરણી બીજા સાસરે આવી,
એમાં થઈ જો કંઈ ભૂલ હોય તો
પ્રભુ! મને માફ કરજો! (ર)
એક ચૂડલો નંદવાયો બીજો ચૂડલો પે'ર્યો,
એમાં થઈ જો કંઈ ભૂલ હોય તો
પ્રભુ! મને માફ કરજો! (ર)
આ દુનિયામાં તેઓને સુખ ન મળ્યું,
એ દુનિયામાં સુખ આપજો,
પ્રભુ! એટલી કૃપા કરીને
એનું દુઃખ તમે હરજો! (ર)
એક ભવના બે ભવ કરીને,
વૈધવ્ય મારું આજે ભાંગ્યું,
એમાં જો કંઈ ખોટું થયું હોય તો
પ્રભુ! મને માફ કરજો! (ર)
નવો પતિ થયો, નવો સંસાર થયો,
નવી દુનિયામાં આવી આજે,
એમાં જો કંઈ વિઘ્ન હોય તો
પ્રભુ! તમે દૂર કરજો! (ર)
કામણગારો છે મારો લાડલો પતિ,
મનડું નિર્મળ નિરાળું છે,
નજર કોઈની ન લાગે તેથી
પ્રભુ! એની રક્ષા કરજો! (ર)
અટપટી છે જિંદગીની ઘટમાળ,
અટવાઈ એમાં રહેવું પડે,
હું પણ એમાં અટવાઈ ગઈ
પ્રભુ! હૈયે હામ ભરજો! (ર)
* * *
ટિપ્પણીઓ નથી:
ટિપ્પણી પોસ્ટ કરો