(રાગ-બાર બાર વરસે નવાણ ગળાવ્યાં...)
સૂરજ એનો માંદો પડયો,
માતા બની છે એની બાવરી જી રે!
પુત્રના દુઃખે બની દુઃખી,
આંખે વહે ગંગા-ગોદાવરી જી રે!
સારા સારા વૈદ્ય તેડાવ્યા,
તેડાવ્યા અનુભવી દાકતરો જી રે!
પુત્રને કોઈ સાજો કરો,
પૈસા ગમે તેટલા વાપરો જી રે!
વૈદ્યોએ ઓસડિયાં ઘસ્યાં,
દાકતરોએ તપાસી છે નાડી જી રે!
બધા આજે કામે લાગ્યા છે,
લીલુડી રાખવા એની વાડી જી રે!
રાત-દિવસ જોયા વિના,
સૂરજની કરે સારવાર જી રે!
મથામણ ખૂબ કરી છે,
રોગનો ન મળ્યો અણસાર જી રે!
વૈદ્યોએ હાથ ધોઈ નાખ્યા,
મદને પોતાનું કામ કર્યુંજી રે!
સૂરજની ખેંચાણી નાડી,
અંતિમ ડૂસકું એક ભર્યું જી રે!
નમાલા મુખે દાકતરોએ,
સંઘ્યા સમયે દીધી બાતમી જી રે!
રૂદનનો સૂર છોડયો માએ,
સૂરજ ગયો એનો આથમી જી રે!
* * *
ટિપ્પણીઓ નથી:
ટિપ્પણી પોસ્ટ કરો