(રાગ-લીંબુડાં ઝૂલે તારા બાગમાં...)
મૂછ ઝૂલે તમારા મુખડે,
પિયુજી મારા ! મૂછ ઝૂલે તમારા મુખડે!
એ જી! એના આંકડા વળી જાય રે,
પિયુજી મારા ! મૂછ ઝૂલે તમારા મુખડે!
મૂછડી છે નરનું પ્રતીક,
ગોરાંદે મારી ! મૂછડી છે નરનું પ્રતીક!
એ જી! એમાં નરનું પાણી દેખાય રે,
ગોરાંદે મારી ! મૂછડી છે નરનું પ્રતીક!
આટલું ગુમાન ન કરશો,
પિયુજી મારા ! આટલું ગુમાન ન કરશો!
એ જી! આ મૂછનું પાણી ન જાય રે,
પિયુજી મારા ! એટલું ઘ્યાન તમે રાખજો!
બોલ્યું કદી' ન રે બદલાય,
ગોરાંદે મારી ! બોલ્યું કદી' ન રે બદલાય!
એ જી! આ ખોળિયેથી જીવ ભલે જાય રે,
ગોરાંદે મારી ! બોલ્યું કદી' ન રે બદલાય!
દિલથી તમને આવકારું,
પિયુજી મારા ! દિલથી તમને આવકારું!
એ જી! મારા હૈયે માન યભરાય રે,
પિયુજી મારા ! દિલથી તમને આવકારું!
હાથમાં મૂકી દે તારો હાથ,
ગોરાંદે મારી ! હાથમાં મૂકી દે તારો હાથ!
એ જી! બંને દલડાં એક થૈજાય રે,
ગોરાંદે મારી ! હાથમાં મૂકી દે તારો હાથ!
* * *
ટિપ્પણીઓ નથી:
ટિપ્પણી પોસ્ટ કરો